Dardan Sejdiu përmend sukseset e PSD-së gjatë vitit 2018 në Prishtinë

Deputeti i PSD-së, Dardan Sejdiu ka numëruar të arriturat që ka pasur partia e tij në Kuvend por edhe në qeverisjen me Prishtinën gjatë vitit 2018.

Përmes një statusi në Facebook, Sejdiu ka thënë se në vitin 2019 puna për Prishtinën do të jetë edhe më e madhe, e besa edhe angazhimi i secilit prej nesh që e duam qytetin pa lum.

Postimi i plotë i tij:

Në vitin 2018 #përPrishtinën kishte zhvillime që për një dekadë nuk u trajtuan, dhe rrjedhimisht e mbajtën peng çdo lloj zhvillimi konkret e të madh infrastrukturor.

Në vitin 2018, me punë e angazhime në Kuvend, me Komunën dhe me Qeverinë, përmbyllëm me sukses:

1. Ligjin për Prishtinën;
2. Pallati i Rinisë iu rikthye pronarëve, pra qytetarëve të Prishtinës;
3. Fillojë puna me BERZH për financimin dhe ndërtimin e unazës së Prishtinës;
4. Buxheti i Komunës kalon shifrën prej € 80 milionë;
5. Në ligjin për ndarjet buxhetore asnjëherë më shumë mjete, dhe pra rruga A fillon së ndërtuari.

Këto janë 5 tema që për vitin 2018 si deputet i zgjedhur, me vota kryesisht të qytetarëve të Prishtinës, kam pasur mundësi e fat t’i shtyejë përpara.

Në vitin 2019 puna #përPrishtinën do të jetë edhe më e madhe, e besa edhe angazhimi i secilit prej nesh që e duam qytetin pa lum.

Siç thotë moto e një ekipi sportiv: “Një jetë, një Prishtinë”. /Telegrafi/