Dallas Mavericks mposht Boston Celtics në ndeshjen e katërt finale të NBA

Dallas Mavericks arriti fitoren e tyre të parë në serinë finale të NBA, pasi mëngjesin e sotëm (e shtunë), në fushën e tyre mposhti Boston Celtics me rezultat të thellë 122:84.

Dallas e zgjati edhe me një ndeshje më shumë serinë finale, pasi reduktoi rezultatin e përgjithshëm në 3:1, edhe pse të gjithë e shihnin Bostonin si kampion të ri të NBA.

Që në fillim, kjo lojë ishte një “rrugë njëkahëshe” dhe Dallas ishte thjesht duke u argëtuar në parket, duke fituar 34:21 pas çerekut të parë, dhe pjesën e parë e mbyllen me rezultat 61:35.

WHAT A 1ST HALF FROM LUKA DONCIC 🔥

25 points, 4 assists and a 61-35 Mavs lead.

🏆 Game 4 on ABC 🏆 pic.twitter.com/YtZDjHDlKn

— NBA (@NBA) June 15, 2024

Bostoni sikur hoqi dorë atëherë dhe vendosi të kursejë veten për ndeshjen e radhës në shtëpi, ku do të dëshirojë të konfirmojë titullin e kampionit të NBA-së, për të cilën i duhet vetëm edhe një fitore.

Edhe çereku foli në të mirë të Dallasit duke shkuar në 92:60, ndërsa në fund ndeshja u mbyll me rezultat 122:84.

Luka Doncic and the @dallasmavs get the win at home to force Game 5!

Kyrie Irving: 21 PTS, 4 REB, 6 AST
Tim Hardaway Jr.: 15 PTS, 5 3PM
Dereck Lively II: 11 PTS (4-5 FGM), 12 REB

Game 5: Monday, 8:30pm/et, ABC pic.twitter.com/HJgNUlOLeY

— NBA (@NBA) June 15, 2024

Dallasi u udhëhoq nga Luka Doncic me 29 pikë, 5 kërcime dhe 5 asistime, ndërsa Kyrie Irving shënoi 21 pikë me 4 kërcime dhe 6 asistime.

Për Boston, Jayson Tatum ishte më pak i keq se të tjerët me 15 pikë dhe Sam Hauser shënoi 14.

Ndeshja e radhës në Boston do të luhet mëngjesin e së martës, duke filluar në orën tonë lokale 02:30. /Telegrafi/