Cristiano Ronaldo largon shqetësimet nëse djali i tij do të vazhdojë të stërvitet me të

Golashënuesi më i mirë i Manchester United, Cristiano Ronaldo, duket se ka marrë një përgjigje të shpejtë për shqetësimet nëse djali i tij do të vazhdojë të stërvitet me të tani që lojtari i akademisë së Djajve të Kuq ka mbushur 12 vjeç.

Kapiteni i Portugalisë festoi ditëlindjen e Cristiano Jr, ndërsa ishte pyetur nëse ata do të vazhdonin seancat e tyre stërvitore më 17 qershor – një frikë e larguar nga fotot e tyre të fundit së bashku.

Duke postuar në storiet e Instagramit, Ronaldo përdori llogarinë më të ndjekur në botë për të ndarë fotot e djalit të tij duke shkëmbyer një pasim me të.

Në një ditë kur shumë lojtarë të Ligës Premier u kthyen për stërvitje parasezonale, dyshja u stërvitën në një fushë të pastër me bar dhe Ronaldo vrapoi nëpër pjesët stërvitëse, ndërsa kishte një pamje karakteristike të sforcuar dhe fokusuar.

Ronaldo Jr kishte luajtur për akademinë e Juventusit përpara se babai i tij të kthehej në Old Trafford nga klubi italian në fund të afatit kalimtar të verës 2021.

Më pak se gjashtë muaj më vonë, talenti i ri, i cili lindi në San Diego në vitin 2010, ndoqi hapat e Ronaldos duke nënshkruar marrëveshjen e tij të parë profesionale kur iu bashkua akademisë së United. /Telegrafi/