“CR7 nuk është i mirëpritur”, Ronaldo i përgjigjet pankartës së tifozëve të Atletico Madridit

Cristiano Ronaldo shkoi në rrjetet sociale për t’iu përgjigjur një postimi ku tifozët e Atletico Madridit zbuluar një pankartë ku shkruhej “CR7 nuk është i mirëpritur”.

Ronaldo tronditi Manchester Unitedin me një kërkesë për largim muajin e kaluar dhe nga ajo ditë një sërë klubesh të ndryshme në të gjithë kontinentin janë lidhur me një lëvizje për 37-vjeçarin.

Klubi më i fundit që u lidh me transferimin e Ronaldos ishte Atletico, por kjo nuk u pëlqeu aspak tifozëve.

Lexo po ashtu “CR7 nuk është i mirëpritur”, tifozët e Atletico Madridit shfaqin pankartën që tregon se nuk e duan Ronaldon

Që kur u publikua lajmi, tifozët e klubit spanjoll nuk kanë qenë aspak të kënaqur me idenë që Ronaldo të luajë për klubin e tyre.

Përveç kësaj, tifozët e Atleticos e thanë edhe publikisht se nuk e duan Ronaldon në klubin e tyre, duke vendosur edhe një pankartë kundër tij.

“CR7 nuk është i mirëpritur”, shkruhej në pankartën e vendosur nga tifozët e Atleticos në ndeshjen miqësore të së mërkurës ndaj Numancia.

Cristiano Ronaldo’s response to a post on Instagram displaying the Atletico Madrid fans’ “CR7 NOT WELCOME” banner: pic.twitter.com/9FbuLB20XF

— Utd District (@UtdDistrict) July 29, 2022

Megjithatë, Ronaldo nuk ka hezituar të reagoj pas kësaj pankarte.

Pesë herë fituesi i Topit të Artë u pa duke komentuar me një seri emoji duke qeshur nën një postim në Instagram që tregonte reagimin e tifozëve të Atletico ndaj raportimeve që lidhnin yllin portugez me një lëvizje në Wanda Metropolitano. /Telegrafi/