Coronavirusi në Itali, shkon në tre numri i të vdekurve – mbi 130 të infektuar

Një paciente e moshuar u bë personi i tretë që dihej se ishte i infektuar me coronavirusin dhe vdiq në Itali, thanë zyrtarët shëndetësorë të dielën, pasi numri i personave që kontraktuan virusin vazhdoi të rritet.

Gruaja kishte qenë në spital në Krema, e vendosur në Lombardi, ku janë raportuar shumica e rasteve të infeksioneve, transmeton Telegrafi.

“Ajo ishte shtruar në spital për disa ditë”, tha Giulio Gallera, shefi i shëndetit të Lombardisë, gjatë një konference për shtyp. “Ajo ishte testuar dhe atë që e dimë është se ajo kishte coronavirus”.

Kreu i departamentit të mbrojtjes civile në Itali, Angelo Borrelli, tha se 152 njerëz tani ishin testuar pozitivë për virusin, përfshirë tre të vdekurit.

Italia u bë vendi i parë në Evropë që njoftoi një vdekje nga coronavirusi të premten, kur një burrë 78-vjeçar vdiq në rajonin e Venetos.

Një grua 77-vjeçare vdiq në Lombardi të shtunën, duke bërë që masa të reja të sigurisë nga qeveria e Italisë të përmbajnë përhapjen e infeksionit.

Njëmbëdhjetë qytete – 10 në Lombardi dhe 1 në Veneto – tani janë nën bllokim, me banorët e ndaluar të largohen.

Autoritetet rajonale kanë anuluar ngjarjet publike të tilla si ndeshjet sportive dhe udhëzuan shkollat ​​që të mbeten të mbyllura. /Telegrafi/