CONMEBOL shtyn ndeshjet kualifikuese të marsit

Konfederata e Futbollit e Amerikës së Jugut (CONMEBOL) ka njoftuar se ata kanë vendosur të shtyjnë ndeshjet kualifikuese të Kupës së Botës 2022 që ishin planifikuar për në fund të këtij muaji, pasi disa klube kishin kërcënuar të mos lejonin lojtarë.

Ndeshjet do të kishin qenë një makth logjistik për ata që luanin në Evropë, sepse shumë do të ishin ballafaquar jo vetëm me udhëtime të gjata nëpër botë, por më pas do të duhej të izoloheshin gjatë mbërritjes dhe pas kthimit për shkak të kufizimeve të COVID-it.

Mjaft klube të mëdha kishin kërcënuar se do të mbanin larg lojtarët nga detyra ndërkombëtare për shkak të këtyre çështjeve.

El Consejo de la CONMEBOL resolvió suspender la doble fecha de las Eliminatorias para Catar 2022 prevista para marzo. La decisión obedece a la imposibilidad de contar en tiempo y forma con todos los jugadores sudamericanos.

— CONMEBOL.com (@CONMEBOL) March 6, 2021

Pas një kërkese të FIFA-s, CONMEBOL njoftoi se ata kanë vendosur të pezullojnë ndeshjet e ardhshme kualifikuese të Kupës së Botës 2022.

FIFA do të analizojë listën e ndeshjeve dhe do të koordinojë me CONMEBOL për të ri-organizuar ato ndeshje. /Telegrafi/