Qeveria e Libanit pritet të jap dorëheqje të hënën, më pak se një javë pasi një shpërthim masiv ndodhi në një port detar të Bejrutit, një burim i tha CNN.
Sipas CNN, përcjell Telegrafi, incidenti i së martës la të vdekur së paku 160 persona si dhe lëndoi 6,000 të tjerë.
Me këtë rast, mijëra protestues dolën në rrugët e kryeqytetit për të kërkuar llogari nga qeveria për menaxhimin e situatës aktuale.
Deri më tani tri ministra të kabinetit tashmë kanë dhënë dorëheqje, përfshirë edhe shtatë anëtarë të parlamentit.
Libani po përballet me krizën më të rëndë ekonomike në dekada, e shkaktuar edhe nga pandemia e coronavirusit.
Ndërkohë, dëmet si pasojë e shpërthimit në Bejrut, pritet të prekin shifrën prej 15 miliardë dollarë, deklaruan zyrtarët ditë më parë.
Kështu, vendet e huaja e miratuan të dielën një pako emergjente, dhe pritet t’ia dhurojnë Libanit rreth 253 milionë euro. /Telegrafi/
