Çka do të bëhet me pasuritë e paluajtshme të Radoiçiqit, flasin nga Ministria e Drejtësisë

Në përputhje me legjislacionin në fuqi do të merren veprime për pasuritë e paluajtshme në veri të vendit të terroristit, Milan Radoiçiq, dhe më pas pritet tu jepen në shfrytëzim organeve të sigurisë.

Por, deri në atë moment do të mirëmbahen nga Agjencia për Administrimin e Pasurisë së Sekuestruar dhe të Konfiskuar dhe nga Policia e Kosovës.

Kështu ka deklaruar në TV Dukagjini, Genc Nimoni, këshilltar i ministres së Drejtësisë, Albulena Haxhiu.

Lexo po ashtu Kamerat e sigurisë vendosen në vilën e konfiskuar të Radoiçiqit, Haxhiu dhe Sveçla vizitojnë atë nga afër

“Tashmë kemi vendime dhe urdhra të gjykatës për konfiskim dhe sekuestrim. Dhe MD-ja do të thotë edhe sipas rolit të saj është duke e vazhdu këtë operacion. Kemi edhe rezultate në këtë drejtim, kemi mjete të konfiskuara. Sepse dallojnë kategoritë, në rastet kur kemi mjete me të cilat kur veprat penale ose ka marrë pjesë direkt në këtë agresionin e 24 shtatorit ne në bazë të legjislacionit të fuqi ne bëjmë edhe konfiskim dhe kjo edhe ka ndodhë. Janë konfiskuar 34 vetura, pastaj kemi mjete të tjera që janë mjete luftarake bazuar në atë që kishte ndodhur sulmi terrorist i 24 shatori”, ka thënë Nimoni.

Lexo po ashtu Vilë, restorant, banesë, autoblindë, dhjetëra vetura, eskavatorë..., lista e gjatë e pasurive që iu konfiskuan Milan Radoiçiqit (Dokument)

Nimoni ka treguar se konfiskimit me automatizëm i janë nënshtruar edhe disa pasuri të paluajtshme dhe se këto presin një vendim të gjykatës që të ketë mundësi të shfrytëzohen më pas.

“Ka pasur disa prona që janë edhe mjete ashtu me i quajt, që i janë nënshtruar me automatizëm konfiskimit dhe gjithashtu edhe paluajtshmeri, paluajtshmeritë e konfiskuara janë vila në Ujman e Radoiçiqit, pastaj një restaurant në veri dhe banesë anë aktin e 6 në pjesën veriore të vendit.

Kështu që këto janë të sekuestruara dhe presin edhe vendimin e gjykatës që të konfiskohen përfundimisht dhe të kemi mundësi sipas ligjit, t’i shfrytëzojmë…”, ka shtuar Nimoni.

“Në kuadër të këtyre ka edhe mjete të tjera duke filluar me dy vetura të rënda të blinduara, 26 vetura të ndryshme, janë dy motor ushtarakë, ekskavatorë, makineri të rëndë, raketahedhës dhe mjete të tjera që veç janë konfiskuar ose më mirë i janë nënshtruar konfiskimit më automatizëm, marr parasysh se janë përdor në sulmin e 24 shatorit”.

Ish-nënkoloneli i policisë, Refki Morina, ka thënë se vila e Radojçiqit dhe lokalet e tij janë përdorur për qëllime kriminale në të kaluarën, duke kërkuar të bëhen ende hulumtime, pasi, siç thotë ai, nuk mund të përjashtohet mundësia se mund të ketë armatime të fshehura.

Lexo po ashtu Haxhiu publikon pamje gjatë vizitës te vila e Radoiçiqit: Kjo është jeta e një terroristi që për vete bën jetë prej milioneri

Ai ka përgëzuar institucionet në Kosovë, që sot kanë konfiskuar dhe sekuestruar pasuri të Millan Radoiçiqit, ish-nënkryetarit të Listës Serbe, i cili mori përgjegjësinë për sulmin ndaj Policisë së Kosovës në Banjskë, shtatorin e vitit të kaluar.

Morina ka thënë se villa e Radojçiqit dhe lokalet e tij janë përdorur për qëllime kriminale në të kaluarën, duke kërkuar të bëhen ende hulumtime, pasi, siç thotë ai, nuk mund të përjashtohet mundësia se mund të ketë armatime të fshehura.

“I përgëzoj institucionet që kanë kontribuar në këtë aksion për sekuestrimin dhe konfiskimin e pronave të Radojçiqit, në vazhdën e hetimeve në grumbullimin e fakteve, është edhe sekuestrimi i pasurisë, ajo nuk është vetëm villë, është më shumë se villë, ku dyshohet se janë trafikuar armë, drogë njerëz, daljen që e ka në ujë, e ka në Serbi, është përdorur për qëllime kriminale në të kaluarën, duhet ende të hulumtohet se mund të ketë armatime të fshehura”, ka thënë Morina.