Manchester City ka fituar në shtëpi ndaj rivalit lokal, Manchester United, me rezultat 3-1 ndeshjen derbi të javës së 12-të në Ligën Premier.
City ka arritur të vazhdojë serinë pa humbje këtë sezon në Ligën Premier, pasi skuadra e Pep Guardiolas e ka mposhtur atë të Jose Mourinhos.
Guardiola mposhti Mourinhon (Foto: Mike Hewitt/Getty Images/Guliver)
Pjesa e parë e ndeshjes u dominua e gjitha nga vendasit, të cilët përveç rasteve të shumta, arritën ta shënojnë edhe një gol.
Goli i vetëm në këtë pjesë erdhi në minutën e 12-të të ndeshjes me anë të David Silva, i cili shënoi për 1-0 pas asistimit të Bernardo Silvas.
Festa e Silvas pas golit të parë në ndeshje (Foto: Laurence Griffiths/Getty Images/Guliver)
Në pjesën e dytë u zhvillua lojë më e mirë, ku të dyja skuadrat krijuan shumë raste dhe shënuan gola.
Pas vetëm tre minutave lojë ishte Sergio Aguero, i cili dyfishoi epërsinë e Cityt me një gol të bukur pas asistimit të Riyad Mahrez.
Aguero shënoi një gol të bukur (Foto: Laurence Griffiths/Getty Images/Guliver)
Megjithatë, Unitedi arriti të kthehet në lojë në minutën e 58-të me anë të Anthony Martial, i cili shënoi për 2-1 nga pika e bardhë.
Martial ngushtoi epërsinë (Foto: Mike Hewitt/Getty Images/Guliver)
Deri në fund të ndeshjes pati edhe shumë raste nga të dyja palët, por vetëm vendasit gjetën golin.
Ishte mesfushori gjerman, Ilkay Gundogan, i cili shënoi nga afërsia për 3-1 dhe vulosi rezultatin përfundimtar të ndeshjes.
Gundogan vulosi rezultatin përfundimtar (Photo by Laurence Griffiths/Getty Images)
Pas kësaj fitore, Qytetarët udhëheqin kampionatin me 32 pikë, ndërsa Djajtë e Kuq renditen në pozitën e tetë me 20 pikë.
Në ndeshjen e radhës, City udhëton te West Hami, ndërsa Unitedi e pret në shtëpi Crystal Palacen. /Telegrafi/
https://twitter.com/raioxdabola/status/1061684480895787008
