Çiljeta pas mbulimit për Ramazan: Ma kanë “çarë” telefonin pas videos me shami

Këngëtarja e njohur shqiptare, Çiljeta Xhilaga, ishte e ftuar në studion e “Ftesë Pesë” me Bieta Sulon për të folur mbi përditshmërinë e saj gjatë muajit të Ramazanit.

Pak ditë më parë, Çiljeta postoi një video ku shfaqej e mbuluar me shami dhe kaq mjaftoi që të gjitha mediat të shkruanin për të.

E pyetur nga Bieta, këngëtarja e konisderoi normale videon në fjalë, duke treguar se në fakt prej vitesh ajo është besimtare e fesë myslimane dhe ka agjëruar edhe herë të tjera.

https://www.instagram.com/p/BxIaw-hAg11/

“Ma kanë çarë telefonin pasi kam nxjerrë këtë video, sa thashë ‘Ç’deshe moj gocë, ishe mirë!’ Nuk është ndonjë gjë uau, thjesht ishte hera e parë që e deklaroja kaq hapur ose fakti që isha e veshur me shami”.

“Unë atë ditë kam qenë duke shkuar në xhami. Ka qenë dita e parë e Ramazanit dhe doja të gjeja një formë për të uruar të gjithë besimtarët myslimanë. Unë si Çiljetë, me ato ndjesitë e mia përbrenda, bëra një video dhe më dolën ca fjalë zemre”, sqaroi ajo.