Cili është ndryshimi midis kripës së detit dhe klorurit të natriumit?

Ja cili është më i mirë

Kripa është një nga erëzat më të vjetra dhe më të vlefshme. Nuk është e nevojshme të diskutohen avantazhet e kripës, dihet se kripa:

– merr pjesë në rregullimin e presionit të gjakut;
– ndihmon në tretjen e ushqimit
– kontribuon në largimin e mukusit nga mushkëritë;
– merr pjesë në proceset kimike ndërqelizore;
– ndihmon në rregullimin e nivelit të glukozës në gjak – pengon prodhimin e histaminës
– një substancë përmes së cilës manifestohen alergjitë.

Sot, kripa është në çdo tryezë, pyetja e vetme është se çfarë lloj kripe dhe sa është e dobishme për trupin tonë. Dy lloje kripe dominojnë në raftet: klorur natriumi dhe kripa e detit. Këto dy lloje kripe ndryshojnë në shumë aspekte, transmeton Telegrafi.

Kripa e tryezës – klorur natriumi nxirret në miniera. Kjo kripë përmban 0.5% papastërti të cilat nuk mund të treten në organizëm dhe mund të jenë shumë të dëmshme për organizmin.

Pra, nëse kujdeseni për shëndetin tuaj dhe shëndetin e njerëzve tuaj të dashur, është më mirë të zgjidhni kripën që nuk përmban aditivë të dëmshëm dhe është absolutisht natyrale. Kripa e detit kristalizohet natyrshëm kur ekspozohet ndaj diellit dhe erës. Kripa e detit ka një përbërje të pasur minerale. Për shembull, ai përmban jod, brom, kalcium, magnez, zink, hekur, mangan, silic, etj. Të gjithë këta elementë janë thelbësorë për trupin tonë dhe për funksionimin normal.

Lexo po ashtu Kripa është një nga “vdekjet e bardha”: Mos e teproni dhe me çfarë mund ta zëvendësoni

Kjo kripë ka një aromë të këndshme dhe shije më të pasur dhe më të butë se kripa e zakonshme. Ekzistojnë lloje të ndryshme të kripës së detit, në varësi të zonës ku mblidhen dhe u lejojnë shefave të kuzhinës të përdorin shije të ndryshme kripe në gatim, duke nxjerrë në pah shijen e atij ushqimi.

Kërkimet shkencore kanë treguar se ndryshimi midis kripës së zakonshme dhe kripës së detit është shumë domethënës.

Nëse vendosni një peshk deti në ujë me kripë të tretur në të, ai do të mbytet shumë shpejt, ndërsa në ujin me kripë deti peshku do të jetojë më gjatë. Kripa e detit është shumë e dobishme për njerëzit që kanë nevojë për të forcuar sistemin imunitar, për të normalizuar presionin e gjakut. Kripa e detit organizon edhe punën e aparatit tretës dhe të gjëndrës tiroide.

Por mos harroni se gjithçka është e mirë me moderim. Pavarësisht nga kripa që përdorni në shtëpinë tuaj, është e rëndësishme, konsumoni jo më shumë se 6 gramë në ditë. /Telegrafi/