Cilat janë shkaqet e vjetërsimit të lëndës së Mijallkovit në rastin “Titanik II”

Për shkak të mungesës së disa të akuzuarve, Apeli e shtyu seancën për lëndën “Titanik 2”, të ngritur nga ish Prokuroria Speciale, kështu që praktikisht ish-drejtori i DSK-së Sasho Mijalkov nuk do të dënohet për pjesëmarrje në parregullsi zgjedhore, sepse lënda vjetërsohet. Sipas avokatit Janaki Mitrovski, shtyrja e seancës ka qenë e arsyeshme, por rrjedha aktuale e lëndës është simptomatike.

“Nuk është problem që seanca është shtyrë, sepse ka disa të pandehur që janë ftuar në mënyrë të parregullt dhe pastaj duhet shtyrë, por për rastin konkret, sigurisht që e dini shumë mirë ku është gabimi – kalimi i një kohe shumë të gjatë nga seanca publike e mbajtur më parë deri në gjykim dhe këtu tashmë ishte e qartë se rasti, të paktën ne që jemi duke punuar, e dimë se nuk ka asnjë mundësi teorike për të arritur në përfundim të plotfuqishëm”, deklaroi Janaki Mitrovski, avokat.

Avokati Mitrovski, duke folur për rrjedhën e lëndëve të ish PSP-së nëpër labirintet gjyqësore, tha se për këto lëndë është interesante që ankesat e mbrojtjes pranohen pothuajse 100%, që përndryshe është praktikë më e rrallë. Ai shtoi se në këto raste shpeshherë pranohen ankesat e mbrojtjes, ndërsa për njoftimin e kryetarit të Gjykatës Penale, Ivan Xholev, për intensifikimin e seancave të lëndëve të ish PSP-së, për të mos u vjetërsuar, Mitrovski thotë:

“Mbetet për t’u parë, jo për të paragjykuar, por do të na çojë në pyetjen se pse nuk janë intensifikuar deri më tani dhe pse duhet të ketë presion nga opinioni për t’u intensifikuar”. Ndryshe, një gjykatës, i cili tashmë është ish dhe tashmë është shkarkuar, i ka caktuar seancat për tre deri në katër muaj dhe kjo tregon mjaftë”, tha Janaki Mitrovski, avokat.

Mijalkov është dënuar me tre vjet burg për “Titanik 2”, gjë që nuk është konfirmuar nga Apeli. Ministri i Drejtësisë, Krenar Lloga tha se i vjen keq për vjetërsimin e lëndës, por edhe se i ka dërguar shkresë Këshillit Gjyqësor, Këshillit të Prokurorëve Publikë dhe Prokurorisë Publike në të cilat ka paralajmëruar dhe kërkuar ndërmarrjen e masave më efikase dhe në kohë për parandalimin e situatave të tilla dhe të ngjashme të vjetërsimin e lëndëve gjyqësore përmes zvarritjes së proceseve gjyqësore. /Alsat.mk