Çifti në SHBA në shok, pasi banka ia depoziton aksidentalisht 50 miliardë dollarë në llogari

Një burrë dhe një grua nga Luiziana mbetën të habitur këtë muaj kur e kuptuan se 50 miliardë dollarë ishin depozituar aksidentalisht në llogarinë e tyre familjare, sipas raporteve të dielën.

Sipas medieve të huaja, përcjell Telegrafi, gjithçka ndodhi më 12 qershor kur Darren James, me të arritur në shtëpi, e mori njoftimin nga gruaja e tij, e cila ia dëshmoi atë që dukej se ishte një depozitë për një shumë të madhe parash.

“Reagimi i parë ishte se: nga dolën këto para?”, tha James të dielën.

“Dhe gjithçka që ne po mendonim ishte se kush do të na trokasë në derë, sepse nuk e njohim askënd të afërt me këtë lloj shume”, ka potencuar ai.

Familja menjëherë kontaktoi bankën Chase, për të kërkuar sqarim – deklaroi babai i dy fëmijëve.

Darren James and his family felt what it was like to be billionaires for four days after their bank accidentally deposited $50 billion into an account. https://t.co/mZ4MPojqMs

— FOX 11 Los Angeles (@FOXLA) June 28, 2021

James, i cili më parë ka punuar si një oficer i zbatimit të ligjit për Departamentin e Sigurisë Publike në Luiziana, tha se ai kurrë nuk mendoi që t’i mbante paratë.

“Ne e dinimin që nuk ishin tonat. Ne nuk i fituam ato, kështu që nuk mund të bënime asgjë me to”, vuri në dukje James.

Banka Chase e korrigjoi gabimin katër ditë më vonë.

“Ne patëm një defekt teknik mbi një javë më parë, duke hasur në probleme në një numër të kufizuar llogarish”, tha një zëdhënës i kompanisë të hënën.

“Çështja është zgjidhur dhe ato llogari tani i kanë bilancet e sakta”, thuhet më tej në deklaratë. /Telegrafi/