CIA kërcënon të ekspozojë sekretet e shtetit pas politikave të Trumpit

Pakënaqësia brenda Agjencisë Qendrore të Inteligjencës së SHBA (CIA), e shkaktuar nga politikat e zbatuara nga administrata e Donald Trump – kryesisht Departamenti i drejtuar nga Elon Musk i fokusuar në uljen e kostove – është bërë subjekt i një artikulli të CNN.

“CIA po kryen një rishikim zyrtar për të vlerësuar dëmin e mundshëm nga një email i paklasifikuar i dërguar në Shtëpinë e Bardhë në fillim të shkurtit, i cili listonte disa zyrtarë me mbiemrat dhe inicialet e tyre për largimin e mundshëm nga puna, gjë që mund të kishte ekspozuar rolet e njerëzve që punonin nën identitete të fshehta”, tha një burim i njohur me situatën.

Bëhet e ditur se kjo ngjarje lidhet me politikat e administratës së dytë të Donald Trump, kryesisht me Departamentin e Efikasitetit të Qeverisë të udhëhequr nga Elon Musk.

“Është vetëm një nga shumë ndryshimet që dalin nga përpjekjet e Trump për të goditur qeverinë federale, duke përfshirë CIA-n. Përpjekjet e administratës për të reduktuar fuqinë punëtore dhe për të kontrolluar shpenzimet në CIA dhe të tjera kërcënojnë të rrezikojnë disa nga punët më të ndjeshme të qeverisë”, kanë deklaruar zyrtarë aktualë të njohur me diskutimet e brendshme.

Sipas informacioneve të tyre, “një zyrtar i lartë nga Departamenti i Thesarit dërgoi një mesazh duke paralajmëruar Sekretarin e Thesarit Scott Besant se caktimi i një inxhinieri kompjuterik nga Zyra e Efiçencës Qeveritare të udhëhequr nga Elon Musk në sistemin ultra të ndjeshëm të pagesave të qeverisë mund të ekspozonte pagesat shumë të klasifikuara të CIA-s që rrjedhin përmes atij sistemi”.

“Por komunitetit të inteligjencës nuk i pëlqen të thuhet se çfarë të bëjë”, tha gazetari i Fox News, Jesse Waters.

“Në katin e shtatë të CIA-s, ku ndodhet lidershipi i lartë, disa zyrtarë po diskutojnë në heshtje se si shkurtimet masive dhe paketat e ofruara tashmë për punonjësit mund të krijojnë një grup ish-punonjësish të pakënaqur, të cilët mund të motivohen për të përcjellë atë që dinë tek një shërbim i huaj inteligjence”, vazhdon Waters.

“CIA po thotë se nëse fondet e tyre shkurtohen, ata do t’i shesin sekretet shtetërore Rusisë. Kush i punësoi këta? Ata supozohet të jenë patriotë e jo tradhtarë”, përfundoi ai. /Telegrafi/