Chizhov: Ballkani është sëmundje ngjitëse, Rusia ofron mundësi tjetër

Ambasadori i Rusisë në BE, Vladimir Chizhov, bën të ditur se Rusia ofron një mundësi tjetër për Maqedoninë, Ballkanin Perëndimor dhe të gjithë vendeve tjera, për integrimet euro-atlantike, përcjell Telegrafi Maqedoni.

Në pyetjen rreth ofertës për Maqedoninë, Chizhov thotë se strategjia euro-atlantike e Maqedonisë përballet me ”disa vështirësi” që nuk kanë të bëjnë me krizën e tanishme, duke aluduar në çështjen e emrit me Greqinë, që rezultoi me VETO nga Athina për anëtarësim në NATO dhe BE.

Ai shprehet se qëllimi i fundit i Rusisë është që të mbetet Maqedonia ashtu siç është, të ruaj Kushtetutën dhe të lejojë forcat politike të bien në ujdi se si të vazhdohet më tej.

Qëndrimi personal i Chizov është se mbase në Maqedoni duhet të ketë zgjedhje të reja.

Në përgjigjet e tij për portalin Euractiv, diplomati rus thotë se Deklarata politike shqiptare tejkalon Marrëveshjen e Ohrit dhe se është në kundërshtim me rendin kushtetues të Maqedonisë, duke shtuar se zgjedhja e Talat Xhaferit për kryetar të Kuvendit është shkelje e qartë e Rregullores së Kuvendit.

Ambasadori Chizhov lavdëron shumë kryetarin Gjorge Ivanov për, siç thotë, mbrojtjen e rendit kushtetues të Maqedonisë.

Duke qeshur, Chizhov thotë se ”Ballkani është një sëmundje ngjitëse”, duke shtuar se Rusia nuk ndërhynë në krizën politike në këtë vend ballkanik. Intervistën e plotë e gjeni në këtë vegëz./Telegrafi/