Çfarë të bëni nëse shtëpia juaj është prekur nga përmbytjet?

Përmbytjet e përhapura kanë goditur pjesë të Evropës, përfshirë Luksemburgun pas shiut të madh këtë javë.

Dhe në këtë drejtim, shumë njerëz janë ballafaquar me probleme të shumta, me shumë njerëz të evakuuar nga shtëpitë e tyre.

Në këtë drejtim, mediumi RTL Today, ka sjellë disa këshilla të dobishme nëse shtëpia juaj është prekur nga përmbytjet, përcjell Telegrafi.

Në këtë drejtim, ekspertët u janë drejtuar mediave sociale për të shpërndarë këshilla për klientët për të mbrojtur veten dhe shtëpitë e tyre përpara pretendimeve të mundshme të sigurimit.

Kështu RTL ka përpiluar një listë të hapave të dobishëm për të ndërmarrë nëse jeni prekur nga përmbytjet.

E para dhe më e rëndësishmja, shmangni vendosjen e vetes në rrezik.

Nëse rrymat elektrike janë akoma aktive në ndërtesë, është e këshillueshme që të ndërpritni furnizimin me energji elektrike përpara se të afroheni në ndonjë zonë të përmbytur në mënyrë që të shmangni goditjen nga energjia elektrike.

Veç kësaj, mundohuni të qëndroni të informuar për çdo sinjalizim ose azhurnim përmes mediave në rast të ndonjë evakuimi ose paralajmërimi, të tilla si moskonsumimi i ujit të rubinetit.

Nëse keni dyshime, kontaktoni komunën tuaj lokale.

Kur përmbytjet ndalen dhe është koha për të inspektuar dhe pastruar dëmet, sigurohuni që të jeni të pajisur mirë.

Veshjet mbrojtëse dhe sende të tilla si çizme, doreza, syze dhe helmeta mund të parandalojnë dëmtimet e mundshme.

Jini të vetëdijshëm se zonat e përmbytura mund të fshehin kurthe ose sende të zhytura, dhe strukturat mund të kenë pësuar dëmtime të ujit.

Para pastrimit të shtëpisë tuaj, sigurohuni që të dokumentoni dëmin. Bëni sa më shumë fotografi të jetë e mundur dhe bëni një listë të të gjitha zonave dhe sendeve të dëmtuara.

Ky dokumentacion do të ndihmojë siguruesit të vlerësojnë dëmin kur përpunojnë një kërkesë.

Gjithashtu ju duhet të siguroheni që instalimi juaj elektrik është në gjendje të mirë para se të rivendosni energjinë në shtëpinë tuaj.

E njëjta gjë vlen për rrjetin e gazit.

Pas rifillimit të sistemit tuaj të ngrohjes, përpiquni të “pastroni” lagështinë sa më shumë që të jetë e mundur në të gjithë shtëpinë tuaj për të parandaluar bakteret.

Pastroni dhe dezinfektoni plotësisht zonat e banimit.

Dhe më në fund, para se të konsumoni ndonjë ujë nga çezme, kontrolloni me autoritetet lokale në rast se është i ndotur, pasi përmbytjet shpesh “përziejnë” rrugët e ujit të pijshëm me ato të trajtimit të ujërave të ndotura. /Telegrafi/