Çfarë e shkakton djersitjen e ftohtë dhe çfarë djersitjen e ngrohtë. Cila është më e rrezikshme për shëndetin?

Ja çfarë thonë mjekët për këtë temë!

Djersa e ftohtë në kombinim me temperaturën tregon se është e nevojshme të shkoni menjëherë te mjeku!

Sipas ekspertëve, djersitja mund të nënkuptojë dy gjëra: intoksikim (helmim) ose mbinxehje të brendshme, transmeton Telegrafi.

Në rastin e parë, djersa zakonisht është e ftohtë, në rastin e dytë më e ngrohtë dhe asnjë nga këto manifestime nuk është e padëmshme.

Kur djersa është e ftohtë, duhet t’i kushtoni vëmendje mushkërive, sepse mund të jetë një proces inflamator ose një përkeqësim i një sëmundjeje kronike.

Më pas duhet matja e menjëhershme e temperaturës, e nëse është e ngritur, është e nevojshme të konsultoheni me mjekun.

Ky është një tregues i keq, një shenjë se trupi po lufton sëmundjen, paralajmërojnë mjekët.

Ekspertët gjithashtu vërejnë se nëse “nxirrni” sasi të mëdha djerse të ftohtë nga trupi, kjo tregon hiperhidrozë, e cila tregon se virusi ka sulmuar trupin tuaj dhe se ai po lufton.

Atëherë është shumë e rëndësishme të konsultoheni me një mjek i cili do të sugjerojë hapa të mëtejshëm.

Djersitja e tepërt mund të tregojë probleme të tjera dhe sëmundje më komplekse.

– Djersitja e tepërt është sëmundje dhe më së shpeshti është problem në sistemin endokrin. Zakonisht mund të shoqërohet me takikardi, prandaj shumë kërkojnë ndihmën e mjekut kardiolog, por në fakt problemi është më shumë endokrinologjik, paralajmërojnë mjekët. /Telegrafi/