Çfarë e pret Neymar në Arabi? Ja me kë do të luajë në një skuadër

Neymar nënshkroi zyrtarisht një kontratë dyvjeçare me klubin arab Al Hilal të mërkurën që do ta bëjë atë një nga lojtarët më të paguar në historinë e futbollit.

Sauditët i kanë paguar PSG-së 90 milionë euro për yllin brazilian 31-vjeçar dhe braziliani do të fitojë afër 200 milionë dollarë në sezon me bonuse.

Vetëm Cristiano Ronaldo është më i paguar se ai në botë, paga bazë e të cilit në Al Nassr është 213 milionë dollarë, plus bonuse.

Pagat e Ronaldos dhe Neymarit, si dhe të gjithë yjeve të tjerë në Arabi, janë pa taksa, kështu që ata do të marrin shumën e plotë të asaj që kanë rënë dakord me klubet e tyre.

Një skuadër dukshëm më e dobët e pret Neymarin në Al Hilal se ajo që la pas te PSG, që e pagoi te Barcelona për 222 milionë euro në 2017.

Klubi i tij i ri solli Ruben Neves nga Wolves për 55 milionë euro në këtë afat kalimtar dhe portugezi ishte një nga yjet e parë që zëvendësoi Evropën me Lindjen e Mesme.

Lexo po ashtu Këta pesë gjigantë evropianë e refuzuan Neymarin – ai ishte i detyruar te shkojë në Arabinë Saudite

Bashkë me të nga Lazio ka mbërritur edhe Sergej Milinkoviq-Savic, i cili është paguar 40 milionë euro. Pas tij 60 milionë euro Al Hilal i ka paguar te Zenit për bashkëkombasin e Neymar, Malcom. Braziliani disi i harruar erdhi nga Bordeaux te Barcelona në vitin 2018 për 40 milionë euro, por nuk u imponua në Camp Nou, vetëm për të shkuar në Zenit verën e ardhshme për të njëjtën shumë dhe për të qenë një nga lojtarët më të mirë.

Një faktor shumë i rëndësishëm në të gjithë historinë është trajneri portugez Jorge Jesus i cili do të komunikojë shumë mirë me Neymar, Malcom dhe Ruben Neves, gjë që duhet të ketë qenë e rëndësishme në vendimin e Neymar për të zgjedhur Al Hilal.

Lexo po ashtu E pabesueshme, kjo është lista e të gjitha bonuseve dhe përfitimeve të çmendura të Neymarit te Al Hilal

Në atë klub ende nuk e kanë zgjidhur pozitën e sulmuesit qendror për këtë sezon. Sulmuesi i parë i Al Hilal është aktualisht 32-vjeçari Moussa Marega, por ai me siguri nuk do të drejtojë sulmin e klubit këtë sezon, pasi mediave angleze, këtë duhet ta bëjë Aleksandar Mitrovic, për të cilin arabët i ofruan Fulhamit 50 milionë euro. /Telegrafi/