Carlos Tevez ka qenë hero i skuadrës së tij Boca Juniors.
Sulmuesi argjentinas ka shënuar golin e vetëm të fitores 1-0 ndaj Gimnasia La Plasa për t’i siguruar titullin e 36-të të kampionit skuadrës së tij.
Ky titull i gëzon edhe më shumë futbollistët dhe tifozët e Bocas, pasi iu morë nga duart rivalit të urryer River Plates në ndeshjen e fundit.
Por ajo që ka bërë bujë të madhe në media dhe rrjetet sociale ishte puthja që Tevez i dha Diego Maradonas para fillimit të ndeshjes.
Legjenda argjentinase e Bocas është aktualisht trajner te Gimnasia dhe i është gëzuar triumfit të ish-skuadrës së tij.
Tevez ka shpjeguar edhe arsyen se pse e puthi legjendën Maradona në prani të 49 mijë tifozëve.
“E dija që duhej ta puthja Diegon, isha me fat. Nganjëherë ju duhet ta kërkoni fatin”, ka shpjeguar pas ndeshjes Tevez.
Vlen të theksohet se pasi Boca u shpall kampion, me tifozët ka festuar edhe legjenda e tyre Diego Maradona që në këtë takim ishte kundërshtar i Bocas. /Telegrafi/
