Një burrë është arrestuar me dyshimin për 76 vrasje, pasi pranoi se kishte ndezur një zjarr vdekjeprurës në një ndërtesë në Johanesburg të Afrikës së Jugut gushtin e kaluar.

Siç raporton BBC, zjarri shpërtheu në fund të gushtit në ish-qarkun e Johanesburgut, transmeton Telegrafi.

Ajo ndërtesë ishte një qendër biznesi dhe më pas u përdor si strehë joformale, raportonin mediat e asaj kohe.

Mediat lokale raportuan se banorët e ndërtesës ishin kryesisht emigrantë nga vendet e tjera afrikane.

29-vjeçari ka pranuar fajin teksa ka dhënë dëshmi në hetim, u tha nga policia.

I dyshuari gjithashtu përballet me akuza për zjarrvënie dhe 120 akuza për tentim vrasje. /Telegrafi/

AfrikaNga BotaBotë