Indoneziani bëhet milioner pasi një meteor me vlerë 1.5 milion euro bie mbi çatinë e tij

Një prodhues arkivolesh indonezian u bë një milioner menjëherë, pasi një meteorit me vlerë 1.5 milion euro ra mbi çatinë e shtëpisë së tij.

Josua Hutagalung, 33-vjeç, ishte duke punuar në një arkivol pranë shtëpisë së tij kur shkëmbi hapësinor ra mbi verandë në buzë të dhomës së tij ku ai flinte në Kolang, Sumatra Veriore, transmeton Telegrafi.

Guri i vetëm, me peshë 2.1 kg, la një vrimë të madhe në çatinë e shtëpisë së tij dhe përfundoi i groposur 15 cm thellë në tokën pranë shtëpisë.

Josua, i cili arriti të gërmonte shkëmbin, tha se meteori ishte akoma i ngrohtë dhe pjesërisht i thyer kur ai e preku atë.

Ai është vlerësuar të jetë 4.5 miliardë vjet i vjetër dhe klasifikohet si Condrit karbonik CM1 / 2, një varietet jashtëzakonisht i rrallë – me vlerë rreth 1.85 milion dollarë, ose 857 dollarë për gram.

Banorët lokalë në zonë kishin dëgjuar tinguj të mëdhenj që luhatën shtëpitë e tyre. Dhjetëra banorë kanë vizituar shtëpinë e Josua-s për të parë objektin e rrallë. “Shumë njerëz kanë ardhur, nga kureshtja dhe duan të shohin gurin”, tha ai.

Brendësia e meteorit është gri e errët dhe e zezë, me pika të vogla me ngjyrë të çelur. /Telegrafi/