Bunjaku flet për ndeshjen kryesore të Kosovës, të ardhmen e tij dhe kundërshtarin më të fortë nëse e kalon grupin

Ish-përzgjedhësi i Kosovës, Albert Bunjaku, ka folur për rezultatet e tanishme për përfaqësueses, të ardhmen dhe shumë gjëra të tjera.

Ai ka qeni ftuar në emisionin 90Plus në Radio Prishtina, ku ka zbuluar shumë gjëra.

Fillimisht Bunjaku bëri fillimisht krahasim mes Azerbajxhanit dhe Maltës.

“Ajo që na gëzon shumë është se Kosova është e para. Është një lojë shumë e rëndësishme. Arritja e suksesit duhet të ketë durim”.

“Duket e lehtë fitorja me Maltën, por nuk është e lehtë pasi u vërejt përgatitja fizike pas minutës së 70-të”, ka thënë fillimisht trajneri kosovar.

Sipas tij do të jetë një ndeshje mjaftë fizike ku fitorja do të ishte e vështirë.

“Do të jetë një lojë tjetër në krahasim me lojën e parë në Azerbajxhan, do të jetë një lojë fizike. Lojë komplet tjetër sesa ajo në Azerbajxhan. Fitorja do të ishte mjaft e mirë”, ka shtuar Bunjaki.

Tutje ai bëri analizë edhe për fituesit e secilit dhe se cili do të ishte kundërshtari më i vështirë i Kosovës.

“Maqedonia është kundërshtari kryesor, e shoh si ekip të fuqishëm, i cili është në zhvillim e sipër. Por, edhe Gjeorgjia dhe Bjellorusia janë të forta, siç mund ta shihni edhe në renditjen e FIFA-s. Krejt varet se si do të zhvillohet Kosova në dy vjetët e ardhshëm”, shtoi ai.

Bunjaki pritet t’i kthehet futbollit dhe atë që në janar

“Kam oferta, por jo siç kam menduar. Është konkurrenca e madhe. Besoj se prej janarit do të filloj të punoj në futboll. Besoj se nga janari do t’i kthehem futbollit”, deklaroi ai në emisionin 90Plus.