Buffon me rol drejtues te Italia?

Gianluigi Buffon do të marrë një rol drejtuesi në Kombëtaren e Italisë kur të dalë në pension në fund të sezonit.

Portieri legjendar ende nuk ka konfirmuar se do t’i varë dorezat e tij në fund të sezonit aktual, por kontrata e tij me Juventusin skadon më 30 qershor të këtij viti.

Ndërsa Gigi mund të luajë ende nëse Bianconerët fitojnë Ligën e Kampionëve, javët e fundit ka pasur raportime në rritje që ai ka vendosur t’i thotë lamtumirë fushës së lojës.

Lexo po ashtu CDS: Buffon do të pensionohet

Tani mediumi italian Gazzetta dello Sport është duke raportuar se, në vend që të qëndrojë me Juven, Buffon do të marrë një rol në Kombëtare e Italisë.

Gazeta pret që 40-vjeçari të bashkohet me klubin kombëtar, një strukturë e krijuar për të menaxhuar aktivitetet e Azzurrëve.

Në thelb, Buffon do të bëhet President i ekipit kombëtar.

Lexo po ashtu Cassano: Buffon mund të luajë deri në moshën 45 vjeçare

Ka mundësi të tjera, duke përfshirë menaxhimin e ekipit ose duke punuar në konfigurimin e stërvitjeve me qëllim që të bëhet kryetrajner dhe ekipi kombëtar shihet si një rrugë më e mundshme.

Buffon tashmë thuhet se ka takuar presidentin e Juves, Andrea Agnelli dhe e ka njoftuar për vendimin e tij, i cili në të ardhmen e afërt mund të bëhet zyrtar. /Telegrafi/