Brukseli ndryshon emrat e stacioneve në emrat e grave të famshme

Operatori i transportit publik në Bruksel (STIB) shënoi Ditën Ndërkombëtare të Gruas sot duke riemëruar dhjetë stacione metroje në emër të grave të famshme në një ditë dhe u angazhua për të riemëruar përgjithmonë 17 stacione autobusësh dhe tramvajesh gjatë tri vjetëve të ardhshme në mënyrë që të “feminizojë” rrjetin e tij.

Udhëheqësja e ndjerë amerikane e të drejtave civile Rosa Parks, kampionia për të drejtat e vajzave Malala Yousafzai dhe aktivistja adoleshente për ndryshimin e klimës Greta Thunberg ishin midis atyre sipas të cilave u emërtuan katër stacionet e metrosë në kryeqytetin belg gjatë ditës, raporton Reuters.

Operatori STIB deklaroi se riemërtimi i përhershëm i stacioneve dhe stacioneve të vendosura prej kohësh paraqet sfida praktike, por që ai është i përkushtuar të sjellë një ekuilibër më të madh në rrjetin e tij me kalimin e kohës.

STIB shtoi se shumë ndalesa të transportit publik janë emërtuar sipas burrave, rrugët e të cilëve janë emërtuar në lagje dhe se ka 14 herë më shumë rrugë të emërtuara pas burrave sesa grave në Bruksel, shkruan KP.

“Në kohën kur u zgjodhën emrat, shoqëria ishte ndryshe. Gratë nuk kishin një rol në shoqëri atëherë, ndryshe nga sot. Ishin burrat ata që morën vendimet dhe ata padyshim zgjodhën emrat e meshkujve,” thuhet në deklaratë.