LAJMI I FUNDIT:

​Britania krijon armë kibernetike, pas tentimit të Rusisë për të hakuar kompanitë që punonin për vaksinën anti-COVID

​Britania krijon armë kibernetike, pas tentimit të Rusisë për të hakuar kompanitë që punonin për vaksinën anti-COVID

Britania e Madhe ka zhvilluar një super armë kibernetike me aftësinë për të zhdukur objektivat kryesore të armikut, ka thënë një shef ushtarak, në mes të kërcënimit në rritje të hakerëve në të gjithë botën, përfshirë nga Rusia.

Gjenerali Patrick Sanders, komandanti i Komandës Strategjike, ka zbuluar se Ministria e Mbrojtjes (MM) ka punuar në armët kibernetike sulmuese dhe mbrojtëse me ekspertë të sigurisë në bazën pioniere të inteligjencës.

Ai tha se armët kibernetike kanë aftësinë për të “shkatërruar aftësitë dhe infrastrukturën kritike” dhe përshkroi kërcënimin e padukshëm si ekuivalentin e ditës moderne me Blitz gjatë Luftës së Dytë Botërore.


Duke folur për mediat britanike, gjenerali Sanders tha: “Le të jemi të qartë, unë nuk jam këtu për t’ju thënë se ne mund të fitojmë luftëra nga hapësira kibernetike ose me të vërtetë që efektet kibernetike mund të zëvendësojnë anijet, tanket ose avionët luftarakë. Por ne mund ta bëjmë më të lehtë”.

Ai shtoi: “Aftësitë kibernetike sulmuese kombëtare mund të degradojnë, prishin dhe madje shkatërrojnë aftësitë kritike dhe infrastrukturën e atyre që do të na bënin dëm, duke filluar nga objektivat strategjikë në taktikë.”

Infrastruktura kritike përcaktohet nga qeveritë si pasuri që janë “thelbësore për funksionimin e një shoqërie dhe ekonomie”, siç është rrjeti kombëtar.

Në muajt e fundit, Londra zyrtare ka akuzuar Rusinë për fillimin e sulmeve kibernetike për të marrë informacion në lidhje me një vaksinë të mundshme antikoronavirus dhe për të prishur zgjedhjet e fundit të përgjithshme.

Qendra Kombëtare e Sigurisë Kibernetike (NCSC) dhe homologët e saj nga SHBA dhe Kanada ishin të sigurt se “agjencitë e inteligjencës ruse” ishin përgjegjëse për sulmet ndaj kompanive të barnave dhe grupeve kërkimore ushtarake.

Komiteti parlamentar i Inteligjencës dhe Sigurisë gjithashtu pretendoi se kishte gjetur prova që grupet ruse kërkuan të ndërhyjnë në zgjedhjet e përgjithshme të vitit 2019 përmes promovimit të dokumenteve të zbuluara. Rusia ka mohuar të gjitha akuzat për sulme kibernetike. /kp/

Në trend Teknologji

Më shumë
Fshini këtë aplikacion para se të bëhet vonë

Fshini këtë aplikacion para se të bëhet vonë

Teknologji
Më pak se një vit pas lansimit, startup-i i Mira Muratit pritet të arrijë një

Më pak se një vit pas lansimit, startup-i i Mira Muratit pritet të arrijë një "vlerësim marramendës" prej 9 miliardë dollarësh

Teknologji
Samsung prezanton Galaxy A56, dizajn i ri dhe gjashtë vite mbështetje softuerike

Samsung prezanton Galaxy A56, dizajn i ri dhe gjashtë vite mbështetje softuerike

Teknologji
Samsung sjell më shumë Inteligjencë Artificiale në tre modele të telefonave

Samsung sjell më shumë Inteligjencë Artificiale në tre modele të telefonave

Teknologji
Pse Elon Musk dëshiron që ju të përdorni Signal dhe jo Facebook - dhe si funksionon ai?

Pse Elon Musk dëshiron që ju të përdorni Signal dhe jo Facebook - dhe si funksionon ai?

Nokia rrugës për të vendosur rrjetin e parë celular në Hënë

Nokia rrugës për të vendosur rrjetin e parë celular në Hënë

Teknologji
Kalo në kategori