Brightoni nuk dorëzohet për Mac Allister – paralajmëron gjigantët evropianë

Shefi ekzekutiv i Brightonit, Paul Barber, ka folur për të ardhmen e mesfushorit Alexis Mac Allister.

Argjentinasi ishte i shkëlqyeshëm në Kupën e Botës, duke filluar pothuajse çdo ndeshje pasi kombëtarja e tij fitoi trofeun në Katar.

Megjithatë, 23-vjeçari tani po lidhet me një largim nga Brighton, me ekipe si Chelsea, Arsenal dhe Tottenham që janë në garë.

Barber deklaroi përmes The Argus: “Në një botë ideale skuadra jonë, e cila është po aq e mirë sa ka qenë për një kohë të gjatë, do të mbetet e paprekur gjatë gjithë janarit dhe ne do të shkojmë në gjysmën e dytë të sezonit siç jemi. 30 ditët e ardhshme janë të paparashikueshme dhe ne do të merremi me çdo gjë. Por, ne nuk po i ofrojmë askujt asgjë”.

Ai më pas shtoi për Mac Allister: “Jo – dhe ne nuk duam asnjë (kontakt). Ne jemi mjaft të lumtur ashtu siç jemi, sigurisht për aq kohë sa mundemi. Por, ne jemi gjithashtu realistë. Alexis Mac Allister sapo ka fituar një Kupë Botërore në moshën 23-vjeçare dhe ka pasur një sezon fantastik me ne”.

“Ne e dimë se do të ketë interes për Alexis. Ne e dimë se Moises Caicedo është një nga talentët më të mirë. Ne e dimë se Rob Sanchez është një nga portierët e rinj më të mirë në botë. Kjo është normale, kjo është bota në të cilën donim të operonim dhe kjo është bota në të cilën po operojmë. Nuk mund të habitemi kur ka interesim dhe në një moment duhet të pranojmë që këta lojtarë do të vazhdojnë të luajnë në një nivel edhe më të lartë se i yni”, ka vazhduar ai. /Telegrafi/