Breshëri që ra në Rahovec, dëmtoi vreshtarinë (FOTO)

Mbrëmjen e së enjtes i gjithë rrethi i Rahovecit është përfshirë nga reshjet e shiut e breshrit të shoqëruara dhe me erë.

Siç kanë njoftuar banorët e fshatrave në këtë komunë, gjatë pasdites së djeshme breshëri ka shkaktuar dëme të konsideruara në kultura bujqësore. Sidomos në vreshta është dëmi më i madh, aty ku rrushi pothuajse është dëmtuar i tëri.

Tani më, komuna e Rahovecit ka filluar punën për të vlerësuar dëmet me shpresën që Qeveria e Kosovës do të ndihmojë në kompensimin e këtyre dëmeve.

Ndërkaq, breshër e shi, ra edhe në komuna tjera të Kosovës por ende nuk dihen dëmet që janë shkaktuar. /Telegrafi/