Brenda “dhomës së luftës”: Në këtë vend Kim Jong-un dhe gjeneralët e tij po përpilojnë në detaje planin për të sulmuar me raketa ishullin Guam (Foto)

I koncentruar derisa shikon me vëmendje planet e ushtrisë së tij, lideri i Koresë së Veriut, Kim Jong-un planifikon të lansoj raketat në ishullin Guam ku janë të stacionuara shumë forca të ushtrisë amerikane.

Fotografitë e reja të publikuara tregojnë në detaje “dhomën e luftës”, nga ku lideri suprem u jep urdhra zyrtarëve ushtarakë lidhur me sulmet që po planifikon t’i kryej në drejtim të ishullit Guam, transmeton Telegrafi.

Imazhet e publikuara nga televizioni shtetëror i Koresë së Veriut, shfaqin diktatorin duke studiuar imazhet satelitore që kanë fotografuar bazën ajrore të ushtrisë amerikane në Guam si dhe hartat për operacione ushtarake në Korenë e Jugut dhe Japonisë.

Kim Jong-un shihet i rrethuar nga gjeneralët siç janë Kim Jong Sik, një ekspert dhe shkencëtar i raketave dhe që besohet të jetë truri i programit të raketave të Koresë së Veriut.

Sipas televizionit shtetëror të vendit më të izoluar të botës, Kim Jong-un planifikon të kryej këto sulme me raketa me rreze të gjata, që mund të fluturojnë deri në 3356 kilometra dhe të lundrojnë në ujë drejt Guamit deri në 40 kilometra. /Telegrafi/