Brenda botës gjakatare të boksit të pa licencuar, ku dorezat janë të ndaluara dhe meçet përfundojnë me nokaut të dhunshëm (Foto)

Fotografitë dramatike, shfaqin botën e përgjakshme të ringjeve të pa licencuara britanike, ku pjesëmarrësit që nuk mbajnë doreza, rrihen për të fituar para.

Përmes imazheve, tregohen aktivitetet e përgjakshme, ku të pranishmit kënaqen me përleshjet, që përfundojnë para kohe me nokaut të dhunshëm, transmeton Telegrafi.

Ky aktivitet, është zhvilluar në një magazinë të braktisur pambuku në Mançester të Anglisë. Megjithëse organizatorët thonë se ka licencë, nuk është parë të ketë pasur ndonjë rregull apo ndalesë, ndërsa i pranishëm ishte një arbitër, që në fund ka shpallur fituesin.

Finalistët kanë marrë nga afro 50 mijë euro, ndërsa as garuesit tjerë nuk kanë mbetur pa u shpërblyer. Në anën tjetër, nuk bëhet e ditur sa duhej paguar për hyrje, apo sa kushtonin bastet.

Sipas organizatorëve, ky sport nuk është më i rrezikshëm se artet e përziera marciale. “Pse të ketë rrahje në parkingje apo salla të braktisura, kur kemi një ambient shumë të mirë. Infermieri dhe medikamentet nuk mungojnë” ka qenë arsyetimi tyre.

Për dallim nga Formula One dhe garat në pikado, këtu nuk do të largohen femrat atraktive, që tregojnë për numrin e raundeve në ring. /Telegrafi/