Një uragan i cili ka goditur Karaibet duke shkatërruar prona dhe duke lënë shtëpitë pa energji elektrike, pritet të godasë Gadishullin Jukatan të Meksikës.
Bëhet e ditur se uragani Beryl do të prekë dy milionë banorë të zonës dhe pikat e nxehta turistike të Kankun dhe Tulum.
Raportohet se plazhet janë mbyllur dhe mijëra trupa janë vendosur për të ndihmuar, ndërsa stuhia ka filluar të godasë bregdetin juglindor të vendit.
Qendra Kombëtare e Uraganeve të SHBA-së (NHC) ka njoftuar se stuhia ka filluar, duke paralajmëruar qytetarët të strehohen.
Në të gjithë Karaibet, të paktën dhjetë njerëz dihet se kanë vdekur dhe të tjerë janë të zhdukur, çatitë e objekteve janë shkatërruar dhe mijëra shtëpi kanë mbetur pa energji elektrike.
Shkollat janë mbyllur dhe strehimoret e urgjencës janë ngritur për vendasit dhe turistët në zonat që përballen me ndikimin më të madh.
Banorët në Kankun kanë nxituar për të rezervuar furnizime ushqimore, me disa që hasin në rafte bosh gjatë vizitave të tyre, shkruan BBC, përcjell Telegrafi.
Ndërkohë, më shumë se 8,000 trupa nga ushtria, forcat ajrore dhe garda kombëtare janë vendosur në Gadishullin Jukatan për të ofruar mbështetje për popullatën.
Qindra turistë janë evakuuar nga hotelet në të gjithë vijën bregdetare të gadishullit dhe më shumë se 3,000 njerëz janë larguar nga ishulli Holbox pranë brigjeve meksikane, sipas autoriteteve lokale.
Gjithashtu, më shumë se 300 fluturime janë anuluar ose vonuar.
Përveçse ka lënë një gjurmë shkatërrimi pas tij, uragani Beryl ka thyer edhe rekorde.
Kjo pasi ai është uragani i parë që ka arritur nivelin e kategorisë katër në qershor që nga fillimi i regjistrimeve të NHC dhe më i hershmi që goditi kategorinë e pestë – kategorinë më të lartë – në korrik.
Shkaqet e stuhive individuale janë komplekse, duke e bërë të vështirë atribuimin e plotë të rasteve specifike me ndryshimet klimatike.
Por, temperaturat jashtëzakonisht të larta të sipërfaqes së detit shihen si një arsye kryesore pse Beryl ka qenë kaq i fuqishëm.
Ndryshe, Beryl së fundmi ka goditur Xhamajkën ku ka shkaktuar dëme të mëdha.
Pasi të përshkojë Gadishullin Jukatan, stuhia thuhet të vazhdojë drejt Gjirit të Meksikës.
Mund të arrijë edhe në Teksas, ku zyrtarët paralajmëruan banorët që të përgatiteshin për mundësinë e goditjes nga uragani këtë fundjavë. /Telegrafi/
Lufta Prigozhin - Putin
Më shumëZelensky publikon pamje nga bombardimet ruse në spitalin e fëmijëve në Kiev
Drogë, vetura të shtrenjta e jetë të shthurur, gjithçka që duhet të dini për “elitën” e krijuar nga Aleksander Vuçiq në Serbi
Trazirat shpërthyen në Paris pasi partia e djathtë ekstreme e Marine Le Pen pësoi "disfatë shokuese"
Erdogan hyri në zhveshtoren e Turqisë, zbulohet se çfarë u tha lojtarëve pas eliminimit nga Euro 2024
Las Vegasi shënon ditën e tij më të nxehtë, të regjistruar ndonjëherë
Izraeli urdhëron evakuimin e qytetit të Gazës për të kryer "operacion kundër terrorizmit"
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Saka me deklaratë të madhe për Granit Xhakën pas kualifikimit në gjysmëfinale
Cristiano Ronaldo thyen heshtjen pas eliminimit të Portugalisë – jep një sinjal për të ardhmen
Mesut Ozil e shikoi çerekfinalen e Euro 2024 me presidentin turk Recep Tayyip Erdogan - ai ishte akuzuar në të kaluarën për miqësinë mes tyre
Kompletohen çiftet gjysmëfinaliste – kush do të arrijë finalen e madhe?
Momenti kur Xherdan Shaqiri për pak sa nuk e realizoi golin më të bukur në Euro 2024 - nga goditja e këndit qëlloi shtyllën
"Kam luajtur i dëmtuar, nuk guxoja të gjuaja" - Xhaka zbulon pas ndeshjes problemet me muskujt