Brazil – Belgjikë, formacionet e mundshme dhe analiza taktike

Një vend në gjysmëfinale të Botërorit do të kërojnë Brazili dhe Belgjika kur të takohen në Kazan të premtën mbrëma.

Finalja para finales është një prej sfidave më intriguese të këtij Kampionati Botëror, që nxit kërshërinë e secilit futbolldashësi.

Brazili duket se po hyn në formën ideale, ngadalë por sigurt, edhe pse futbolli i famshëm i Selecaos ende po mungon. Por, Brazili me komoditet të madh kaloi në çerekfinale të Kampionatit Botëror.

Belgjika në anën tjtër duket se ka rënë pak nga niveli fillestar i kampionatit pasi mezi arriti të mposhtë Japoninë në një triller që u vendos në sekondat e fundit.

Dy ekipet u takuan për herë të fundti në vitin 2002 në Kampionatin Botëror ku Brazili me lehtësi me rezultat 2-0 triumfoi, por ndeshja do të jetë krejt tjetër kësaj radhe kur dihet talenti që e ka Belgjika.

Brazili

Brazili ishte në krye të tabelës para takimit ndaj Meksikës në fazën eliminuese ku pati disa mungesa.

Fagner kthehet në formacion nga minuta e parë duke parë mungesën e Danilos, kurse Marcelo pritet të startojë pasi hyri si zëvëndësues. Miranda dhe Thiago Silva janë të pakontestueshëm në zemër të mbrojtjes.

Douglas Costa ende nuk është 100 për qind i gatshëm ku Williani me garanci do të startojë. Por, mungesa më e madhe për Brazilin është Casemiro, i cili është i suspenduar. Fernandinho do të luajë nga minuta e parë.

Pjesa tjetër e ekipit mbetet e pandryshuar, me bazën e lojtarëve që do të mbajnë vendet e tyre ndaj Belgjikës edhe pse Roberto Firmino duket se mund të startojë pas kritikave ndaj Jesusit.

Pesha do të bie sërish mbi Neymarin, i cili do të kërkojë që të shfaqë performancë historike për të mundësuar kualifikimin e skuadrës së tij në gjysmëfinale në rrugëtim drejt finales së Kampionatit Botëror.

Formacioni i mundshëm (4-3-3): Alisson, Fagner, Miranda, Silva, Luis, Paulinho, Fernandinho, Coutinho, Willian, Jesus, Neymar.

Belgjika

Në krahasim me kundërshtarët, Belgjika ka pasur më shumë fat në aspektin e ekipit. Belgjika ka pasur probleme në mbrojtje, por dyshja Kompany dhe Vermaelen u rikuperuan dhe tash janë në top formë.

Kapiteni i Cityt do të startojë në treshën e mbrojtjes krahas Vertongenit dhe Alderëireldit të premtnë.

Ylli i Atletico Madridit, Yannick Carrascko nuk e ka të sigurt pozitën e titullarit pas paraqitjes fantastike si zëvëndëues nga Nacer Chadli. Një lojtar që duket sigurt se do të startojë ëhstë Fellaini, me Roberto Martinezin që po aludon gjithmonë se ka nevojë për fuqi në sulm dhe në lojën në ajër.

Për Fellainin vendin pritet ta lë Mertens, kurse LUkaku, De Bruyne dhe Hazard duken të pazëvëndësueshëm.

Meunier, Verntonghen e De Bruyne duhet që të jenë të kujdesshëm që të mos marrin kartonë të verdhë pasi janë afër suspendimit në rast të kualifikimit.

Formacioni i mundshëm (3-4-2-1): Courtois, Alderëeireld, Kompany, Vertonghen, Meunier, Felliani, Ëitsel, Carrasco, De Bruyne, Hazard, Lukaku.

Statistikat kyçe

Belgjika dhe Brazili janë takuar vetëm katër herë më parë me Braizlin që fitoi tri këto ndeshje, përfshirë ndeshjen e fundit në Botërorin e vitit 2002.

Belgjika nuk ka humbur që prej miqësores ndaj Spanjës në gusht, një ecuri e pamposhtshmërisë prej 23 ndeshjesh.

Brazili ishte eliminuar nga Botërori nga një skuadër evropiane në secilën prej tri kampionateve të fundit.

Eden Hazard do të jetë lojtar kyç për Belgjikën, pasi ka qenë i përfshirë në 19 gola nga 18 paraqitjet e tij nën drejtimin e Martinezit, duke shënuar 10 dhe duke asistuar në nëntë të tjerë.

/Telegrafi/