Boshnjakovski: Të mos shpërndahen informacione të pakonfirmuara në lidhje me zjarret

Qytetarët e Maqedonisë të mos shpërndajnë informacione të pakonfirmuara në lidhje me zjarret të cilët janë aktive për momentin, ka bërë thirrje zëdhënësi qeveritar Mile Boshnjakovski, sepse, siç tha, tema është e ndjeshme dhe porosit që të ndiqen informacionet, që arrinë nga institucionet shtetërore, përcjell Telegrafi Maqedoni.

”Informacionet e fundit flasin se deri në orët e vona zjarri ka qenë aktiv në Llutovec dhe në drejtim të vendit të ashtuquajtur Brdo dhe Suvo Gora. Ka tendenca për shpërndarje drejt fshatit Zdunje dhe fshatit Trebovlje në afërsi të shtëpive të para”, ka theksuar Boshnjakovski.

Ai ka potencuar se asnjëri nga njerëzit e angazhuar nuk do të tërhiqet deri në fikjen e tërësishëm të zjarrit.

Përndryshe, dje komuna e Gjorçe Petrovit apeloi që qytetarët të sillen në mënyrë të ndërgjegjshme dhe të përgjegjshme me qëllim që të parandalohet paraqitja e zjarreve, si shkak i temperaturave të larta, njofton AIM.

Qytetarët, zjarret mund t’i paraqesin në numrin e telefonit 193. /Telegrafi/