Bonucci sqarohet rreth të ardhmes së tij

Leonardo Bonucci ka thënë se zërat rreth të ardhmes së tij janë vetëm spekulime pasi që ai ishte i lidhur me një lëvizje te Chelsea.

Reprezentuesi i Italisë refuzoi një transferim në Manchester City para sezonit 2016-17 në favor të një qëndrimi të zgjatur në Torino, por raportet e fundit kanë pohuar se ai tani është i hapur për një sfidë të re.

Lexo po ashtu Chelsea i ofron pagë të lartë Bonuccit

Bonucci u konfrontua me trajnerin e Juventusit, Massimiliano Allegri në shkurt dhe Chelsea besohet të jetë i afërt me situatën e qendërmbrojtësit, me Antonio Conte që dëshiron të bashkohet me lojtarin e tij të mëparshëm.

30-vjeçari ka insistuar se nuk po mendon për një largim nga Juventusi mes raporteve të freskëta se agjenti i tij ka qenë në Londër për të diskutuar një transferim në Stamford Bridge.

Lexo po ashtu UEFA zgjedh 18-shen më të mirë të sezonit në Ligën e Kampionëve (Foto)

“Të largohem nga Juventusi, këto janë vetëm spekulime”, ka thënë Bonucci për La Stampa.

Mbrojtësi italian ka një kontratë me kampionët e Serie A deri në vitin 2021.

Ai bëri 45 paraqitje në të gjitha garat në 2016-17, pasi Juventusi siguroi trofe të dyfishtë, kampionatin dhe Kupën e Italisë, para se të mposhtej në finalen e Ligës së Kampionëve nga Real Madridi. /Telegrafi/