BMW me ndryshime në ekipin e projektimit

Ndryshime të mëdha po ndodhin në ekipet e dizajnit të BMW Group duke filluar nga 1 tetori.

Adrian van Hooydonk është ende shefi, por BMW-të e ardhshme nuk do të projektohen më nga Domagoj Dukec.

Kroati i lindur në Frankfurt, i cili dikur tha se “dizajni i mirë nuk ka të bëjë me të bukurën apo të shëmtuarën” ka udhëhequr ekipin e dizajnit që nga prilli i vitit 2019.

Ai tani po zhvendoset në Rolls-Royce ku do të marrë të njëjtin rol.

BMW-të e ardhshme do të dizajnohen nga dy persona, përcjell Telegrafi.

Modelet e kategorisë së lartë të mesme dhe luksoze do të jenë përgjegjësi e Maximilian Missoni.

Veturat kompakte deri në ato të mesme do të stilohen nga Oliver Heilmer, shefi i dizajnit në Mini që nga viti 2017.

Diku tjetër, BMW ka emëruar Claudia Braun si drejtuese të një departamenti të ri të ndër-markave për dizajnin e ngjyrave dhe materialeve për BMW, Mini dhe Rolls-Royce.

Christian Bauer mbetet lider i përvojës dixhitale të klientit.

View this post on Instagram

A post shared by Adrian van Hooydonk (@adrian.van.hooydonk)

Do të ishte e lehtë të nxirreshin përfundime të shpejta se përse BMW po lëkund ekipin e saj të projektimit.

Nëse e ndiqni kompaninë në rrjetet sociale, jeni të vetëdijshëm për komentet kryesisht negative për pamjen e veturave.

Megjithatë, shifrat e shitjeve tregojnë një histori tjetër; BMW ka thyer rekord në vitin 2023 pasi ka dorëzuar 2,252,793 makina. /Telegrafi/