Bill Gates fajëson Facebook-un dhe Twitter-in për përhapjen e shpejtë të coronavirusit

Themeluesi i Microsoft, Bill Gates, fajësoi Facebook-un, Twitter-in, si dhe platformat e tjera të mediave sociale për përhapjen e shpejtë të shpërthimit të coronavirusit në SHBA për shkak të dezinformatave.

“Çfarë krijimtarie kemi? Mjerisht, mjetet dixhitale ndoshta kanë qenë një kontribues në përhapjen e asaj që unë konsideroj ide të çmendura”, tha Gates për uebfaqen BGR me qendër në SHBA të mërkurën, duke shtuar se këto platforma mund të ishin më të dobishme në trajtimin e krizave të ndryshme nëse do të kishte siguruar ndarjen e më shumë lajmeve të sakta.

Sipas mediave të huaja, përcjell Telegrafi, Gates tha që dezinformatat kishin bindur shumicën e popullatës se disa masa kundër COVID-19, përfshirë maskat dhe distancimin shoqëror, nuk ishin të nevojshme.

Ndryshe, siç shkruajnë mediat e huaja, që nga fillimi i shpërthimit të coronavirusit, shumë teori konspirative kanë qarkulluar në platformat e mediave sociale.

Për shembull, që nga fillimi i shpërthimit, kullave të shumta të reja të teknologjisë së komunikimit pa tel (5G) të gjeneratës së pestë u është vënë zjarri në të gjithë Evropën për shkak të thashethemeve të mediave sociale që sugjerojnë se njerëzit po kontraktojnë coronavirusin sepse 5G po dobëson sistemin e tyre imunitar.

Gjithashtu, Gates është akuzuar si personi që qëndron pas shpërthimit për shkak të një fjalimi në vitin 2015 në të cilin ai kishte thënë se bota do të goditej nga një coronavirus.

Dhe teoricienët e konspiracionit pohuan se Gates do të përdorte COVID-19 si një justifikim për të filluar ndjekjen globale dixhitale të njerëzve. /Telegrafi/