Berisha: Ministri Ahmetaj la 80 mijë euro në kazino

Ish-kryeministri i Shqipërisë, Sali Berisha e ka akuzuar ministrin e Financave të Shqipërisë, Arben Ahmetaj, se ka lënë 80 mijë euro në një kazino në Greqi.

Berisha shkruan në Facebook se Ahmetaj ka dërguar urgjent shoferin e tij në doganën e Bilishtit për të marrë shumën në fjalë, në mënyrë sipas tij, që të mos mbahej peng. Berisha citon një emigrant shqiptar në Greqi, i cili sipas tij e ka informuar për këtë rast, duke thënë se Ahmetaj kishte marrë dhomën më të shtrenjtë në njërin prej hoteleve më të famshme në Greqi.

Reagimi i plotë Berishës:

Emigranti dixhital informon:

Arben Ahmetaj alias Tom Cruise po pushon ne Kaklidiki ne hotelin me te shtrenjte.

Ministri Ahmetaj la ne një natë, në Kazinon e Hotelit, 80 mije euro.

Ministri Ahmetaj dërgoi urgjent shoferin ne doganën e Bilishtit për të marrë nga hajdutet e tij aty edhe 80 mije euro qe te paguante dhe te mos e mbanin peng! sb

“Pershendetje Doktor Berisha jam nje puntor shqiptar qe punoj ketu ne nje Hotel ne Kalkidiki te Greqise Ketu ne hotel me 5 yje po kalon pushimet ministri arben ahmetaj, shoke te mij te punes e kane pare ate ne kazinon e Hotelit Porto Karra .Eshte hoteli me famoz atje. Ka marre dhomen me te shtrenjte.

Ministri brenda nje nate atje ka lene 80 mije euro. Edhe ka cuar shoferin e tij ne doganen e Bilishtit po ate nate te marre 80 mije euro te tjera se rrezikonte ta mirrnin peng po te mos dorzonte parat!”