Benjamin Kololli duket se është në formë optimale para ndeshjeve të nëntorit, ku është ftuar nga Kosova.
Reprezentuesi i Kosovës ka shënuar për Zurich në duelin ndaj Luzernit, ku skuadra e tij fitoi me rezultat 2-0.
Kololli shënoi nga pika e bardhë e penalltisë në minutën e 23-të të takimit për t’ia dhënë epërsinë skuadrës së tij.
https://twitter.com/KosovoMagazine/status/1325144446514683904
Në fakt, Zurich shënoi në minutën e 20-të me Kramer, por që u anulua nga VAR-i me pretendimin se ishte pozitë jashtë loje.
Mysafirët gjithashtu janë me një futbollist më pak në teren, pasi që Lucas u ndëshkua me karton të kuq.
Zurichu në fund të pjesës së parë fitoi edhe një penallti, që kësaj radhe e ktheu në gol Antonio Marchesano për rezultatin përfundimtar 2-0.
Te Zurich tërë ndeshjen luajti Fidan Haliti, ndërsa Hekuran Kryeziu u fut në minutën e 60-të. /Telegrafi/
