Bën 500 trilionë herë më shumë dritë sesa dielli, zbulohet objekti më i ndritshëm dhe më i dhunshëm në univers

Astronomët kanë zbuluar një trup qiellor që është 500 trilionë herë më i ndritshëm se Dielli, dhe thonë se mund të jetë vendi më i ndritshëm dhe “më i dhunshëm” në univers.

Vrima e zezë supermasive që e fuqizon atë thuhet se është midis 17 dhe 19 miliardë herë më e madhe se masa e Diellit, dhe po rritet me shpejtësinë më të shpejtë të parë ndonjëherë.

Kuazarët janë bërthamat e ndritshme të galaktikave aktive, ato që kanë vrima të zeza supermasive që konsumojnë sasi të mëdha të materies, transmeton Telegrafi.

Kuazari rekord, i zbuluar nga një ekip australian, gëlltit ekuivalentin e diellit në ditë ndërsa tërheq sasi të mëdha gazi.

Disku rrotullues i gazit rreth vrimës së tij të zezë është krahasuar me një uragan kozmik – i cili ekspertët thonë se lëshon aq shumë energji sa është më shumë se 500 trilion herë më i shndritshëm se dielli.

“Ky kuazar është vendi më i dhunshëm që njohim në univers,” tha autori kryesor Christian Wolf i Universitetit Kombëtar australian.

U mendua të ishte një yll kur u pa për herë të parë në 1980, por vitin e kaluar u riklasifikua si kuazar pas vëzhgimeve në shkretëtirën Atacama në Australi dhe Kili.

Astronomët tani mendojnë se ajo konsumon ekuivalentin e 370 diejve në vit, rreth një në ditë, duke e bërë atë vrimën e zezë me rritjen më të shpejtë në histori, sipas Observatorit Jugor Evropian (ESA).

Kuazari njihet si J0529-4351 dhe është 12 miliardë vite dritë larg (një vit dritë është 9.3 trilion kilometra).

“Gjëja emocionuese për këtë kuazar është se ai fshihej në pamje të qartë dhe më parë ishte klasifikuar gabimisht si yll”, tha astrofizikani i Universitetit Yale, Priyamvada Natarajan – i cili nuk ishte i përfshirë në studim.

Hulumtimi u botua në revistën Nature Astronomy. /Telegrafi/