Bayern Munich e shkatërroi Pafosin me rezultatin 5-1, por asnjë nga pesë golat e bavarezëve nuk ishte goli i ndeshjes. Ky titull i shkoi Mislav Orsicit, i cili shënoi golin e vetëm të ekipit të tij në minutën e 45-të.
Me rezultatin 4-0 për Bayernin, kroati 32-vjeçar kapi një pasim, doli përpara me topin dhe goditi qoshen e portës nga 25 metra, e cila ruhej nga Manuel Neuer.
Neuer shikoi vetëm topin dhe pas ndeshjes komentoi mjeshtërinë e Orsicit.
"A ishte e pambrojtshme?", e pyeti një gazetar Neuerin pas ndeshjes, i cili u përgjigj shkurtimisht me “Po”.
Pas përgjigjes negative, Neuer dha detaje rreth golit.
"Është për të ardhur keq. Topi shkoi drejt dhe pastaj ndryshoi drejtim. Shkoi drejt meje dhe pastaj u kthye djathtas. Nëse do të luanit futboll, do ta kuptonit për çfarë po flas", tha Neuer.
Si kujtesë, Harry Kane shënoi dy gola për Bayernin në ndeshjen e mbrëmshme, ndërsa Raphael Guerreiro, Nicolas Jackson dhe Michael Olise shënuan nga një. /Telegrafi/
