Bayerni konfirmon zyrtarisht se dyshja Robben – Ribery do të largohen në fund të sezonit

Epoke e Franck Ribery dhe Arjen Robben te Bayerni po përfundon me përfundimin e këtij edicioni në Gjermani.

Sulmuesi francez Franck Ribery do të largohet nga Munichu pas 12 viteve qëndrim te Bayerni.

Ndërkohë holandezi Robben iu bashkua bavarezëve në vitin 2009 nga Real Madridi dhe do të largohet pas 10 viteve.

“”Kur erdha te Bayerni, një ëndërr u bë në realitet. Lamtumira nuk do të jetë e lehtë, por ne nuk do të harrojmë asnjëherë sukseset që arritëm. Ne kemi fituar rreth 20 tituj së bashku”, tha Ribery.

Francezi ka fituar tetRibery tituj kampion, pesRibery Kupa të Gjermanisë, një Ligë të Kampionëve, një Kupë të botës për klube, pesë Superkupa të Gjermanisë dhe një Superkupë të Evropës.

“Ribery dhe Robben janë futbollistë të shkëlqyer. Bayerni ka shumë mirënjohje për ta dhe do t’u dhurojë një lamtumirë emocionale. Ata kanë ndihmuar Bayernin në dekadën më të suksesshme me një futboll fantastik”, ka thënë presidenti i Bayernit, Karl-Heinz Rummenige.

Duket se dy ikonat e klubit gjerman do të largohen edhe me një titull tjetër të kampionit, pasi Bayerni është një fitore larg për ta mbrojtur titullin në Gjermani.

Ndërkohë bavarezët janë edhe në finalen e Kupës së Gjermanisë ku do të përballen me RB Leipzig. /Telegrafi/