Bartomeu: Valverde do të jetë trajner i Barcelonës edhe në sezonin e ardhshëm

Presidenti i Barcelonës, Josep Maria Bartomeu, ka konfirmuar se trajneri Ernesto Valverde do të vazhdojë të jetë pjesë e klubit edhe për sezonin e ardhshëm.

54-vjeçari arriti të fitojë La Ligan dhe Kupën e Mbretit në sezonin e tij të parë, por ka befasuar të gjithë duke thënë se është i pavendosur ende për të ardhmen e tij.

Gjithsesi pas këtyre fjalëve të trajnerit spanjoll ka folur presidenti i klubit duke i qetësuar tifozët.

“Ernesto Valverde do të jetë trajner i Barcelonës në sezonin e ardhshëm, në atë ne nuk kemi ndonjë dyshim”, ka thënë Bartomeu në një intervistë për Diario Sport.

“Ne do të kemi shumë besim në trajnerin tonë dhe në atë se çfarë po bën në këtë klub, ne besojmë se ai po bën punë të madhe dhe se ai është njeriu i duhur për t’i arritur objektivat tonë”.

Lexo po ashtu Primati në La Liga tashmë është zakon për Barcelonën e Valverdes

“Valverde është ekstrem inteligjent, ai di si të balancojë zhveshtoren dhe stilin e lojës së klubit tonë. Ai mund të menaxhojë ndeshjet dhe të prodhojë rezultatin që ne duam”, ka shtuar Bartomeu.

Aktualisht Barcelona është në vendin e parë në La Liga me 43 pikë, dhjetë më shumës e Real Madridi dhe pesë se Atletico në vendin e dytë. /Telegrafi/