Barcelona është e gatshme që ta shkarkojë Ernesto Valverden, pas përfundimit të sezonit në mënyrë katastrofale.
RAC1 raporton se skuadra katalunase është duke u përgatitur që ta shkarkojë trajnerin në orët e ardhshme, pas eliminimit të turpshëm nga Kupa e Mbretit nga Valencia.
Ish-trajneri i Evertonit, Roberto Martinez, është në mesin e trajnerëve për ta marrë drejtimin e skuadrës së Barcelonës, ndërsa aktualisht është selektor i Belgjikës.
Blaugranasit e fituan titullin e kampionit të La Liga-së, mirëpo dështuan të kalonin në finale të Ligës së Kampionëve, duke u eliminuar nga Liverpooli.
Disa anëtarë të bordit të skuadrës së Barcelonës së bashku me tifozët janë të acaruar me Ernesto Valverden dhe strategjitë e tij që i ka përdorur në këtë sezon, andaj e duan me ngulm shkarkimin e tij.
Largimi i trajnerit spanjoll mund të ndodhë në orët në vazhdim, pas di vitesh qëndrimin në stolin e skuadrës katalonase. /Telegrafi/