Barcelona ka filluar bisedimet me Ousmane Dembelen për të rinovuar kontratën, raporton gazetari Ekrem Konur.
Skuadra katalunase ende beson në cilësitë e sulmuesit francez, andaj dëshiron ta blindojë edhe për pesë vite të ardhshme.
Kontrata aktuale e 24-vjeçari skadon në vitin 2022, gjersa Blaugranasit duan që ai të firmosë marrëveshjen e re që do ta mbante deri në atë 2027.
Edhe pse forma e tij nuk ka qenë e kënaqshme, shkaku i lëndimeve të njëpasnjëshme, Joan Laporta beson se lojtari ka çfarë t’i ofrojë skuadrës.
Kështu, Barcelona është në bisedime me Dembelen dhe agjentin e lojtarit për të rinovuar kontratën sa më parë.
Mes shumë zërave për largimin e tij nga Camp Nou, duket se katalunasit duan që t’i konfirmojnë mbështetjen e madhe. /Telegrafi/
https://twitter.com/Ekremkonur/status/1399993841604771841
