Banorët e fshatit Bibaj të Ferizajt protestojnë për reduktimet e rrymës

Në shenjë revolte për shkak të ndërprerjeve të shpeshta dhe të gjata të rrymës banorët e fshatit Bibaj të Ferizajt dhe afaristët që veprojnë në këtë anë, sot kanë protestuar duke theksuar se kjo gjë po u shkakton probleme.

Organizatorët kanë paralajmëruar protestë edhe për ditën e hënë.

Komuna e Ferizaj ditëve të fundit po ballafaqohet me ndërprerje të mëdha të rrymës.

Ministrja e Ekonomisë, Artane Rizvanolli, dje ka zhvilluar takim me përfaqësues të Operatorit të Sistemit, Transmisionit dhe Tregut (KOSTT) dhe të Kompanisë Kosovare për Distribuim të Energjisë Elektrike (KEDS).

Kryeshefi ekzekutiv i KOSTT-it, Evetar Zeqiri, pas takimit dje ka folur për problemet e rrymës në Ferizaj dhe tha se janë duke punuar. “Çështja e Ferizajt është në ditët e fundit të punimeve. Kemi shpresuar që ta përfundojmë deri në fund të vitit, por ngarkesa është shumë e madhe. Kemi tri nënstacione në Ferizaj, çdo nënstacion arrin vlerën deri në 10 milionë euro. Po flasim për investime shumë të mëdha, janë investime komplekse. Si rezultat i ngarkesës së madhe kërkohet reduktim i pjesshëm i ndonjë zone”, tha Zeqiri