Banka Popullore e Maqedonisë ka miratuar raportin për tre mujorin e fundit

Sot, Këshilli i Bankës Popullore të Republikës së Maqedonisë mbajti një sesion të rregullt ku u shqyrtua dhe u miratua deri në vitin 2021 raporti i fundit tremujor dhe projeksionet makroekonomike, njofton Telegrafi Maqedoni.

Gjatë tremujorit të tretë të këtij viti, norma bazë e interesit u zvogëlua nga 3 % në 2.75%, duke reflektuar bazën e shëndoshë ekonomike dhe mungesën e pabarazive dhe të dukshme nëpërmjet lëvizjeve të vazhdueshme të favorshme në tregun valutor, pozicionit të jashtëm të qëndrueshëm dhe pritjeve të qëndrueshme të subjekteve ekonomike.

Për këtë periudhë të parashikimet e supozuara janë të qëndrueshme për rritjen që rrjedhin kryesisht nga eksportet dhe investimet, pavarësisht mjedisit të jashtëm disi më pak të favorshëm, kryesisht për shkak të rritjes pak më të ulët të kërkuesve të huaj dhe rritjes së rreziqeve ndaj ekonomisë botërore, krahasuar me vrojtimet e mëparshme.

“Aktiviteti kreditues i sektorit bankar vlerësohet ende si një faktor i rëndësishëm në mbështetjen e rritjes ekonomike. Për vitin 2018, sipas performancave që nga fillimi i vitit, është bërë korrigjimi i rritjes me huatë për sektorin privat, me rritjen e kredisë parashikuar në 8.4%, kundrejt 6.5% me parashikimet e prillit”, thuhet në raportin e Bankës Popullore.

Në periudhën e ardhshme, Banka Popullore e Republikës së Maqedonisë do të monitorojë nga afër lëvizjet, si dhe ndryshimet në mjedisin e brendshëm dhe të jashtëm, me qëllim që të rregullojë në kohë dhe në mënyrë adekuate politikën monetare./Telegrafi/