Ballkani ka njoftuar zyrtarisht se ka ndarë rrugët me drejtorin e deritashëm sportiv, Omer Bunjaku.

Bunjaku erdhi më shumë bujë pas suksesit me Shkupin më Maqedoninë e Veriut, duke u cilësuar si pasuesi ideal i Nderim Nexhipit të larguar.

Megjithatë, zgjedhjet e drejtorit sportiv te Ballkani nuk kanë rezultat edhe aq të qëlluara, pasi klubi therandas pas tri vitesh dominim ka dështuar ta fitojë njërin nga dy trofetë në futbollin e Kosovës.

Kështu, Ballkani ka vendosur të mos vazhdojë bashkëpunimin me djaloshin nga Shkupi, duke njoftuar kështu zyrtarisht largimin e tij.

Postimi pa ndërhyrje i Ballkanit

Faleminderit, Omer Bunjaku

Pas përfundimit të kontratës me drejtorin sportiv, në mirëkuptim të ndërsjellë kemi vendosur që të mos e vazhdojmë më tej bashkëpunimin.

E falënderojmë Drejtorin për kontributin e dhënë gjatë periudhës së angazhimit të tij dhe i urojmë suksese në rrugëtimin e tij të ardhshëm!

/Telegrafi/

SuperligaSporte tjeraSportKosovë
telegrafi sport app