Autoritetet në Zelandë të Re përdorin metodë të pazakontë për të shpërndarë demonstruesit

Autoritetet në Zelandën e Re kanë vendosur të aplikojnë një taktikë të pazakontë për të shpërndarë protestuesit, që janë kundër vaksinimit të obligueshëm kundër coronavirusit.

Para Parlamentit në Wellington po protestojnë qindra qytetarë, por as reagimet e organeve kompetente nuk kanë munguar, transmeton Telegrafi.

Zëdhënësi i Parlamentit, Trevor Mallard, ka deklaruar se është urdhëruar që të kyçen gypat e ujit me qëllim që hapësira ku gjenden demonstruesit të mbulohet nga uji dhe ata të mos mund të bëjnë një lloj kampi.

https://twitter.com/section_117/status/1492473985220878338?ref_src=twsrc%5Etfw%7Ctwcamp%5Etweetembed%7Ctwterm%5E1492473985220878338%7Ctwgr%5E%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fvlast-na-novom-zelandu-koristila-neobicnu-taktiku-protiv-demonstranata%2F220213019

E një çështje tjetër që i ka shkaktuar probleme demonstruesve, ishte se gjatë tërë kohës ka pasur reshje shiu. Në fotografi dhe video  shihen zonat e mbuluara nga uji dhe balta.

Sipas Mallard të gjithë ata që kundërligjshëm po protestojnë, nuk do të ndihen mirë kur lagen si nga lartë ashtu dhe poshtë – duke i detyruar të shkojnë nëpër shtëpitë e tyre.

Por as kjo metodë nuk i ndalë demonstruesit – ata bënë kanale nëpër të cilat kalonte uji. E kuptuan se gypat e ujit mund të largohen.

Kështu tentuan me një metodë tjetër – muzikë me zë tejet të lartë, duke pretenduar se një metodë të tillë e kanë miratuar edhe qytetarët e lagjes përreth.