Fisnikëri dhe elegancë
Kudo që shfaqen tërheqin psherëtima, bëjnë që shumëkush të dëshirojë një lidhje dashurie si ajo e tyre, por edhe një ndjenjë mode.
Aktori i filmit të aksionit, “transportuesi” i famshëm, Jason Statham dhe gruaja e tij Rosie Huntington-Whiteley konsiderohen si çifti më bukur i veshur i Hollywoodit. Por jo vetëm kaq!
Për 14 vjet, dashuria e tyre i ka përballuar të gjitha sfidat e jetës së të famshmëve, si dhe diferencën në moshë, duke qenë se Jason është 20 vjet më i madh se Rosie, transmeton Telegrafi.
Siç ka thënë dikur kjo bionde e adhurueshme, supermodele dhe ish “Engjëlli i Victorias”, ajo ishte tërhequr kryesisht nga Jason nga sensi i tij i humorit, dhe jo nga burri muskulor dhe i fortë që zakonisht portretizohet në filma.
Në tapetin e kuq, janë gjithmonë të koordinuar dhe me shumë elegancë. Rosie zgjedh gjithmonë me kujdes fustanin perfekt që do të përputhet me stilin e gjysmës së saj më të mirë. Epo ky çift së fundmi është shfaqur në premierën e filmit “Fast: X” në Romë, ku kanë lënë pa frymë publikun. E ndërsa Rosie zgjodhi një fustan provokues me të çarë të thellë, detaje transparente dhe doreza të zeza, Jason në moshën 55-vjeçare me një këmishë me vija të zeza, pantallona dhe syze serioze, tregoi se si duket një zotëri i vërtetë.
Edhe më parë, ky çift i veshur vazhdimisht ka shkëlqyer në tapetin e kuq, disi ata përpiqen të jenë gjithmonë në bashkërendim edhe të zbukuruar.
Shikoni si dukej ky çift i dashuruar:
/Telegrafi/