Ashley Cole zgjedh formacionin më të mirë me bashkëlojtarët që ka pasur, 11-she e mbushur me yje të Arsenalit dhe Chelseat

Ashley Cole ka konfirmuar pensionimin nga futbolli i luajtur në moshën 38-vjeçare, pas një karrierë të gjatë dhe shumë të suksesshme.

Mbrojtësi anglez ka qenë njëri nga më të mirët në histori të futbollit në pozitën e tij në krahun e majtë.

Ai gjatë karrierës ka luajtur për klube si Arsenali, Chelsea, Roma, LA Galaxy dhe Derby County, ku me ekipet londineze fitoi shumë trofe vendor dhe evropian.

Lexo po ashtu Ashley Cole konfirmon pensionimin nga futbolli

38-vjeçari anglez në 20 vite si futbollist profesionist ka luajtur me shumë yje të mëdhenj të futbollit botëror.

Megjithatë, ai nuk e pati të vështirë të zgjedh në Sky Sports formacionin më të mirë me bashkëlojtarët që ka pasur tek skuadrat e tij.

Të gjithë të zgjedhurit e Cole vijnë nga dy klubet londineze, ku gjashtë vijnë nga Chelsea dhe katër nga Arsenali.

Lexo po ashtu Formacioni më i mirë i Wengerit te Arsenali - Nga Seaman e Adams, tek Vieira e Henry

Në portë anglezi e ka zgjedhur Petr Cech, në mbrojtje së bashku me të ka zgjedhur edhe Branislav Ivanovicin, John Terryn dhe Sol Campbellin.

Mesfusha e Cole formohet nga Florent Malouda, Frank Lampard, Patrick Viera dhe Robert Pires, ndërsa në vijën e sulmit Thierry Henry dhe Didier Drogba. /Telegrafi/