Kur është duke rënë shi jashtë, me siguri se i merrni të gjitha rrobat e lagura dhe provoni t’i thani brenda në shtëpi – por ekspertët paralajmërojnë se jeni duke e dëmtuar seriozisht shëndetin.
Ndonëse mund t’ju duket mënyrë e lehtë dhe efektive kjo për tharjen e rrobave, Shoqata e Astmës në Irlandë ka këshilluar njerëzit që ta shmangin tharjen e rrobave brenda shtëpisë sepse rritet lagështia në dhomë për 305 dhe inkurajohet rritja e mykut, transmeton Telegrafi.
Pastaj kjo ndikon te personat që kanë probleme me frymëmarrje, astma, kanë sistem të dobët të imunitetit apo probleme të lëkurës.
Në fakt, ky akt është më shumë i rrezikshëm për bebet, fëmijët dhe të moshuarit.
Ekspertët thonë se është tejet e rekomanduar që rrobat t’i thani jashtë.
Por, nëse kjo është e pamundur dhe vendosni t’i thani brenda, atëherë gjithsesi se duhet t’i lini dritaret hapur herë pas here në mënyrë që të freskohet dhoma. /Telegrafi/
